Stjórnarfundur Klúbbs Matreiðslumeistara var haldinn dagana 6. og 7. febrúar 2026 í veiðihúsinu við Ytri Rangá. Fundarstaðurinn er í umsjón Iceland Outfitters og bauð upp á afar góða aðstöðu til vinnu og samveru.

Á fundinum voru tekin fyrir helstu verkefni klúbbsins á komandi misserum, þar á meðal starfsemi Kokkalandsliðsins, fagkeppnir, fræðslu og kynningarstarf, auk almennrar stefnumótunar félagsins. Fundurinn gaf stjórnarmönnum gott tækifæri til yfirvegaðrar umræðu og markvissrar ákvarðanatöku í rólegu og faglegu umhverfi.

Iceland Outfitters, sem reka veiðihúsið við Ytri Rangá, eru vel þekkt fyrir þjónustu í hæsta gæðaflokki og sérhæfa sig í skipulagningu veiðiferða fyrir gesti alls staðar að úr heiminum. Aðstaðan endurspeglar fagmennsku fyrirtækisins og áherslu á vandaða upplifun, bæði hvað varðar umhverfi, þjónustu og aðbúnað.

Stjórn Klúbbs Matreiðslumeistara þakkar Iceland Outfitters fyrir höfðinglegar móttökur og góða aðstöðu, sem skapaði afar heppilegan ramma utan um fundarhöldin.