Norræna nemakeppnin 2026

Norræna nemakeppnin 2026

Forkeppni Norrænu nemakeppninnar í matreiðslu og framreiðslu 2026

Ert þú tilbúin/n að taka næsta skref í faginu og keppa um sæti sem fulltrúi Íslands í Norrænu nemakeppninni?

Forkeppni Íslands í Norrænu nemakeppninni í matreiðslu og framreiðslu fer fram laugardaginn 17. október 2026 í Menntaskólanum í Kópavogi (MK).

Sigurvegarar í matreiðslu og framreiðslu öðlast rétt til að keppa fyrir Íslands hönd í lokakeppni Norrænu nemakeppninnar, sem fer fram 14.–17. apríl 2027 við Verkmenntaskólann á Akureyri.

Matreiðsla

Keppendur í matreiðslu takast á við skriflegt próf og verklega keppni þar sem reynir á fagmennsku, skipulag, tæknilega færni, hráefnisþekkingu og sköpunargleði.

Keppendur elda tvo rétti:

Aðalréttur – Mystery Basket
Hráefni aðalréttar verða leynileg fram að keppni. Þar reynir á útsjónarsemi, hráefnisþekkingu og faglega færni keppenda við að vinna úr þeim hráefnum sem þeim eru úthlutað.

Eftirréttur
Í eftirrétti skulu eftirfarandi hráefni vera í aðalhlutverki:

• Valrhona dökkt súkkulaði
• Fersk kirsuber
• Mascarpone ostur frá MS

Framreiðsla

Keppendur í framreiðslu hefja einnig keppnina á skriflegu prófi áður en þeir takast á við fjölbreytt verkleg verkefni þar sem reynir á fagþekkingu, nákvæmni, faglega framkomu og þjónustuhæfni.

Verkefnin eru meðal annars:

• Að blanda tvo drykki á Vínstúkunni
• Að sýna færni í eldsteikingu
• Að setja upp kvöldverðaborð fyrir fjóra
• Að para vín við mat
• Að brjóta servíettur á skapandi hátt
• Að umhella víni

Tækifæri til að keppa fyrir Íslands hönd á heimavelli

Norræna nemakeppnin er mikilvægur vettvangur fyrir unga fagmenn í matreiðslu og framreiðslu. Keppnin gefur nemum tækifæri til að ögra sjálfum sér, öðlast dýrmæta keppnisreynslu og efla faglega færni sína.

Að þessu sinni er sérstakt tækifæri í boði þar sem lokakeppnin 2027 fer fram á Íslandi. Sigurvegarar forkeppninnar fá því tækifæri til að keppa fyrir Íslands hönd á heimavelli á Akureyri. Öllum nemum í framreiðslu og matreiðslu er heimil þátttaka í forkeppninni en þeir nemar sem geta tekið þátt í lokakeppninni mega ekki vera eldri en 23 ára á keppnisári.

Forkeppni: Laugardaginn 17. október 2026
Staður: Menntaskólinn í Kópavogi

Skráning fer fram hér: Norræna nemakeppnin

Taktu áskoruninni og kepptu um sæti sem fulltrúi Íslands í Norrænu nemakeppninni 2027.