Norræna nemakeppnin 1987 – upphaf íslenskrar þátttöku

Árið 1987 markaði upphaf íslenskrar þátttöku í Norrænu nemakeppninni í matreiðslu og framreiðslu.

Fyrstu íslensku keppendurnir í matreiðslu voru Úlfar Finnbjörnsson og Sæmundur Kristjánsson, en þjálfari þeirra var Kristján Sæmundsson. Íslenska liðið lét strax að sér kveða og náði góðum árangri í keppninni.

Þátttakan árið 1987 varð upphafið að langri og merkilegri sögu Íslands í Norrænu nemakeppninni. Síðan þá hafa fjölmargir íslenskir matreiðslu og framreiðslunemar tekið þátt fyrir Íslands hönd og margir þeirra síðar sett sterkan svip á íslenskt veitingalíf.

Með fréttinni birtum við nokkrar skemmtilegar myndir frá keppninni árið 1987 sem Kristján Sæmundsson tók og hafa varðveist frá þessu fyrsta keppnisári Íslands.