Skráning framlengd í Grænmetiskokkur ársins

Tími til að skrá sig í keppnina um Grænmetiskokkur ársins hefur verið framlengdur til Sunnudagsins 7. apríl kl 23.59. Skráning er undir væntingum en sem betur fer hafa matreiðslumenn þó skráð sig í þessa nýju keppni.  En keppnin um Grænmetiskokk ársins hefur ekki verið haldinn áður hérlendis.  Sambærilegar keppnir eru að sækja í sig veðrið erlendis.  Við hvetjum alla matreiðslumenn til að hugsa nú út fyrir ramman og skrá sig til þátttöku. 

Skráningu er lokið í keppnina Kokkur ársins.  Mánudaginn 8. Apríl kl 15:00 verða hráefni og reglur keppninnar kynnt í eldhúsdeild IKEA.  Margir færir matreiðslumenn hafa skráð sig til keppni og búast má við hörku keppni en forkeppnin fer fram 11. apríl í keppniseldhúsum IKEA.  Úrslitin fara svo fram laugardaginn 13. apríl einnig í IKEA.



Það verður spennandi að fylgjast með færustu matreiðslumönnum landsins etja kappi dagana 11. til 13. apríl næstkomandi í IKEA.