Ólympíuleikar í matreiðslu – Árið 2016

Kokkalandsliðið keppti á Ólympíuleikunum í matreiðslu sem haldin voru dagana 22. til 26 október 2016. Liðið hlaut fern verðlaun sem tryggði þeim 9. sæti í samanlögðum stigum. Nánar um úrslitin hér. Á leikunum er keppt í mörgum greinum og var Ísland í 3. sæti landsliða í eftirréttum “Culinary Pastry Art”.

Matseðillinn í heita matnum var eftirfarandi:

Forréttur
Léttreykt ýsa með humri, íslensk smágúrka með vatnakarsakremi og grásleppuhrognum. Gljáð svartrót og svartrótarflögur, brúnaður laukur, humar- og kræklingasmjörsósa.

Aðalrréttur
Nautahryggur og nautamergur með jurtum, hægelduð nautabringa með grilluðu grænkáli og jarðskokkamauki. Kartafla með svörtum hvítlauk og parmesanosti. Ristaðir shiitake sveppir, bóndabaunir og blaðlaukur. Uxahala- og rauðvínssósa.

Eftirréttur
Skyr- og karamellumús, rifsberjahlaup, stökkar hnetur og kakónibbur. Pera með verbenadressingu og pistasíum. Stökk vatnsdeigsbolla með sítrónukremi. Skyrís á súkkulaði og kakóbaunum.

Meðlimir Kokkalandsliðsins árið 2016:

• Hafliði Halldórsson framkvæmdastjóri liðsins
• Þráinn Freyr Vigfússon þjálfari
• Bjarni Siguróli Jakobsson fyrirliði
• Björn Bragi Bragason forseti KM/framkvæmdastjórn
• Steinn Óskar Sigurðsson liðsstjóri
• Jóhannes Steinn Jóhannsesson liðsstjóri
• Fannar Vernharðsson
• Ylfa Helgadóttir
• Hafsteinn Ólafsson
• Axel Clausen
• Garðar Kári Garðarsson
• Hrafnkell Sigríðarson
• Atli Þór Erlendsson
• Sigurður Ágústsson
• Georg Arnar Halldórsson
• María Shramko